Moładź — adzin z hałoŭnych pryjarytetaŭ dziaržaŭnaj palityki krainy. Pra heta Alaksandr Łukašenka zajaviŭ siońnia ŭ čas Respublikanskaha balu vypusknikoŭ ustanoŭ vyšejšaj adukacyi, pieradaje BIEŁTA.
«Nie bojciesia składanych zadač, staŭcie pierad saboj ambicyjnyja mety i ŭvasablajcie ich u žyćcio. Pastanoŭka pravilnaj mety — heta pałova pośpiechu. I pamiatajcie — vy patrebnyja Biełarusi, tamu što tut vaš dom. My čakajem ad vas aktyŭnaha prykładańnia sił i starańniaŭ. Zaŭsiody dapamožam i padtrymajem, — skazaŭ Łukašenka. — Ale kali chtości ryzyknie pajechać za miažu, my nie pieraškadžajem hetamu. Ale vy pavinny viedać: lepš, čym doma, vam nie budzie. Tak, vam mohuć dać bolš hrošaj, ab jakich čamuści ŭsie apošnim časam tolki i havorać. Ale pomnicie: vam nie daduć samaha hałoŭnaha — u vas nie budzie pad nahami svajho kavałka ziamli. Heta doraha kaštuje. I, stupiŭšy ŭ sapraŭdnaje žyćcio, vy chutka heta adčujecie».
Kiraŭnik dziaržavy adznačyŭ, što ŭžo zaŭtra siońniašnija vypuskniki pryjduć na pradpryjemstvy pramysłovaści i sielskaj haspadarki, u škoły i miedycynskija centry, u kanstruktarskija biuro i navukovyja łabaratoryi, prajaviać svaje talenty ŭ mastactvie, kultury. Mahčyma, niechta adkryje svaju spravu, stanie paśpiachovym pradprymalnikam. «Stvoranyja ŭsie ŭmovy dla taho, kab kožny zmoh realizavać svaje zdolnaści. Nie sumniavajciesia - tak i budzie. Ale pamiatajcie: u asnoŭnym usio budzie zaležać tolki ad vas», — padkreśliŭ jon.
Łukašenka pryznaŭsia, što jamu asabliva pryjemna sustrakacca z vypusknikami biełaruskich VNU napiaredadni Dnia moładzi. «Vy ŭvasablajecie lepšyja jakaści maładoha pakaleńnia krainy. Kali bačyš vašy ažyŭlenyja tvary, iskrystyja vočy, serca napaŭniajecca vieraj u dastojnuju budučyniu suvierennaj Biełarusi. Upeŭnieny, vy zaŭsiody zmožacie adstajać našu niezaležnaść, umacavać ekanomiku i aŭtarytet dziaržavy na mižnarodnaj arenie, zachavać mir i zhodu na rodnaj ziamli», — skazaŭ jon.
Na Respublikanskim bali vypusknikoŭ vyšejšych navučalnych ustanoŭ Łukašenka taksama ŭručyŭ dziaržaŭnyja ŭznaharody i abjaviŭ padziaki vykładčykam i vypusknikam ustanoŭ vyšejšaj adukacyi. Paśla zakančeńnia aficyjnaj cyrymonii haściej śviata čakała nasyčanaja kancertnaja i zabaŭlalnaja prahrama.
Usiaho na mierapryjemstva zaprošany bolš za 270 haściej, u ich liku słužbovyja asoby, kiraŭniki biełaruskich dziaržaŭnych i pryvatnych VNU, vykładčyki i vypuskniki z usich abłaściej respubliki.
