U 2015 hodzie ŭ Maskvie zatrymali niekalkich chłopcaŭ i dziaŭčat, 19-25 hadoŭ. Piaciora maładzionaŭ žorstka zabivali ludziej.
Padrabiaznaści spravy apisvaje rasijski partał «Mieduza».
Junaki patłumačyli, što zabivali ludziej, bo «čyścili» horad ad biazdomnych i pjantosaŭ.
Ale achviarami stanavilisia i vypadkovyja ludzi.
Adnoj z achviaraŭ była biełaruska — 40-hadovaja Alena Šycik, jakaja pryjechała zarabić na ramont u kvatery. Jaje maci Viera Cieraškova skazała «Mieduzie», što padčas apaznańnia joj paasobku dali hałavu i cieła dački.
Žančynu zabiŭ 20-hadovy Pavieł Vojtaŭ. Jon nanios joj 44 udary nažom.
«Tut ja zabiŭ bamžychu, — raspavioŭ jon śledčym na miescy zabojstva, pobač ź Ćviarskoj-Jamskoj vulicaj. — Kala ciepłatrasy tarmaznuŭ jaje, nanios joj udaraŭ dvaccać, jana skaciłasia ŭ jamu».
Miesca zabojstva Aleny. Fota - Siamion Kac, «Mieduza»
«Matyŭ?» — spytaŭ śledčy. Vojtaŭ pacisnuŭ plačyma.
«Nianaviść», — adkazaŭ jon praź niekalki siekund.
«Da kaho?» — udakładniŭ śledčy.
«Da bamžoŭ», — adkazaŭ jon.
Vojtaŭ udzielničaŭ u 14 zabojstvach.
Pavieł Vojtaŭ. Fota — Siamion Kac, «Mieduza»
Jaho paplečniki raspaviali, što ad zabojstvaŭ toj atrymlivaŭ asałodu, navat padumvaŭ ab terakcie.
Prysud zabojcam pakul nie vyniesieny.