Siarhiej Huruloŭ vyzvaleny ad pasady staršyni Dziaržaŭnaha vajenna-pramysłovaha kamiteta, paviedamlaje pres-słužba kiraŭnika dziaržavy.
Adpaviedny ŭkaz № 219 Alaksandr Łukašenka padpisaŭ 20 červienia. Adznačajecca, što Huruloŭ vyzvaleny ad pasady pavodle pahadnieńnia bakoŭ.
Pa dadzienych BiełaPAN, Dziaržaŭny vajenna-pramysłovy kamitet Biełarusi moža ŭznačalić Ihar Łaciankoŭ, były namieśnik ministra abarony pa ŭzbrajeńni.
Siarhiej Huruloŭ naradziŭsia ŭ 1953 hodzie ŭ Rasii. U 1974 hodzie skončyŭ Błahavieščanskaje vyšejšaje tankavaje kamandnaje vučylišča, u 1986 hodzie - Vajennuju akademiju braniatankavych vojskaŭ, u 1999 hodzie - Vajennuju akademiju Hienieralnaha štaba Uzbrojenych sił Rasijskaj Fiederacyi.
U biełaruskim vojsku słužyŭ na pasadach načalnika štaba pałka, kamandzira pałka, namieśnika kamandzira dyvizii, kamandzira dyvizii, načalnika štaba armiejskaha korpusa i kamandzira korpusa.
12 śniežnia 2001 hoda pryznačany načalnikam Hienieralnaha štaba Uzbrojenych sił — pieršym namieśnikam ministra abarony Biełarusi. Pasadu staršyni Dziaržaŭnaha vajenna-pramysłovaha kamiteta zajmaŭ z 4 śniežnia 2009 hoda.
