U sieryjale «Pucin» Oliviera Stoŭna rasijski kiraŭnik pakazaŭ režysioru videa, dzie, pavodle jaho słoŭ, zafiksavanaja «praca našaj avijacyi» ŭ Siryi.
Nievialikaja častka videa jość u trejlery. U poŭnaj viersii hety momant — na adznacy 49:10, paviedamlaje Meduza.
Nasamreč na videa, jakoje Pucin prademanstravaŭ Stoŭnu, pakazana, jak amierykanski viertalot «Apač» atakuje talibaŭ u Afhanistanie. Aryhinał videa apublikavany na aficyjnym sajcie military.com.
Pry hetym na amierykanskaje videa, pakazanaje Pucinym pad vyhladam rasijskaha, nakładzienyja pieramovy piłotaŭ na ruskaj movie. Jak miarkujecca, heta pieramovy ŭkrainskich piłotaŭ, jakija ŭdzielničali ŭ bajavych dziejańniach pad Danieckam.
Na YouTube jość kopija amierykanskaha videa ź pieramovami na ruskaj. Mahčyma, mienavita jaje Pucin i pakazvaŭ Stoŭnu.
Daślednickaja arhanizacyja CIT paraŭnała kadry videa, pakazanaha Stoŭnu, z kadrami z «Apača».
Scena, u jakoj Uładzimir Pucin demanstruje Olivieru Stoŭnu videazapis, utrymlivajecca ŭ treciaj sieryi sieryjała «Pucin».
