Mahiloviec zahinuŭ pry demantažy adnaho sa starych cechaŭ byłoha Mahiloŭskaha zavoda štučnaha vałakna, paviedamiła BIEŁTA aficyjny pradstaŭnik USK pa Mahiloŭskaj vobłaści Aksana Salaniuk.
AAT «Mahiloŭchimvałakno» zaklučyła damovu ab demantažy starych cechaŭ zavoda štučnaha vałakna ź indyvidualnym pradprymalnikam 1984 hoda naradžeńnia. 16 červienia padčas prac jon naziraŭ, jak pracujuć śpiecyjalisty pa demantažy starych mietałakanstrukcyj. Niečakana adna ź ich zvaliłasia prosta na mužčynu. Ad atrymanych traŭmaŭ mahiloviec pamior na miescy.
Pravierku pa fakcie hibieli čałavieka pravodzić Mahiloŭski mižrajonny adździeł Śledčaha kamiteta. «Pryznačanaja sudova-miedycynskaja ekśpiertyza, jakaja dazvolić vyjavić dakładnuju pryčynu śmierci. Kanfiskavanaja taksama ŭsia nieabchodnaja dakumientacyja. Jana ŭ dadzieny momant vyvučajecca śledčymi», — skazała Aksana Salaniuk.
