15 červienia prykładna ŭ 17.40 minčuki paviedamili pra ačapleńnie na praśpiekcie Niezaležnaści na ŭčastku ad CUMa da BNTU. Pavodle infarmacyi staličnaj milicyi, pastupiŭ zvanok ab miniravańni.
@Alira_Icebahass
«Na praśpiekcie Niezaležnaści ŭ Minsku pracujuć sapiory, byŭ zvanok ab miniravańni. Pa ŭsich prykmietach — iłžeminiravańnie», — paviedamlaje HUUS Minharvykankama ŭ Twitter.
Jak paviedamlali vidavočcy, značnaja adlehłaść piešachodnaj častcy znachodziłasia pad ačapleńniem uzbrojenych milicyjantaŭ. Na miescy pracavali sapiory.
Akazałasia, «zaminiravali» adno z adździaleńniaŭ banka.
«Śledča-apieratyŭnaja hrupa pracuje ŭ adnym z adździaleńniaŭ Biełarusbanka paśla zvanka ab nibyta miniravańni budynka. Infarmacyja nie paćvierdziłasia, vybuchovych pryład nie vyjaŭlena. Pavodle papiaredniaj infarmacyi, zvanok pastupiŭ z susiedniaj vobłaści ad dziciaci», — paviedamiŭ TUT.BY aficyjny pradstaŭnik upraŭleńnia Śledčaha kamiteta pa Minsku Alaksiej Klimovič.
Pa dadzienym fakcie milicyja praviadzie pravierku, a pa vynikach prymuć pracesualnaje rašeńnie.
