washingtonpost.com
Niekalki čałaviek atrymali ranieńni ŭ vyniku stralaniny ŭ horadzie Aleksandryja, štat Virdžynija (raźmieščany za 11 kiłamietraŭ na poŭdzień ad Vašynhtona).
U liku paranienych — kanhresmien-respublikaniec Styŭ Skieliz i niekalki pamočnikaŭ kanhresmienaŭ. Pahrozy jaho žyćciu niama, piša ABC News.
Dakładnaja kolkaść paciarpiełych nieviadoma, pra zahinułych nie paviedamlajecca.
Stralbu adkryŭ adzin čałaviek, uzbrojeny, pa niekatorych dadzienych, paŭaŭtamatyčnaj vintoŭkaj. Jon zrabiŭ bolš za 50 strełaŭ i nieŭzabavie byŭ zatrymany.
Incydent adbyŭsia padčas treniroŭki da dabračynnaha biejsbolnaha matča z udziełam členaŭ Kanhresa. Pavodle infarmacyi Fox News, pierš čym adkryć ahoń złačyniec pacikaviŭsia ŭ ludziej, što stajali kala placoŭki, chto hulaje — demakraty abo respublikancy.
