«Biełavija» pačała vykonvać rehularnyja rejsy pa maršrucie Kalininhrad — Viciebsk — Kalininhrad, paviedamili BIEŁTA ŭ pres-słužbie avijakampanii.
U inšyja abłasnyja harady Biełarusi avijakampanija ažyćciaŭlała paloty i raniej. Pieravažna na hetych kirunkach buduć zadziejničanyja CRJ-200 ź pieryjadyčnymi zamienami na inšyja typy pavietranych sudoŭ, jakija jość u fłocie avijakampanii.
U pres-słužbie adznačyli, što rejsy z rehijanalnych aeraportaŭ karystajucca popytam u pasažyraŭ. Pasłuha zapatrabavanaja ŭ turystaŭ, pradstaŭnikoŭ biznesu, pasažyraŭ, jakija ažyćciaŭlajuć pajezdki da svajakoŭ.
Jak paviedamlajecca na sajcie aeraporta Chrabrava (Kalininhrad), «Biełavija» budzie latać u hetym napramku z častatoj dva razy na tydzień pa piatnicach i niadzielach da 8 vieraśnia 2017 hoda ŭklučna. Vylet z Kalininhrada zapłanavany na 13.40, prybyćcio ŭ aeraport Viciebska — u 15.45. Rejs ź Viciebska — vylet u 16.15, prybyćcio ŭ aeraport Chrabrava — u 16.25. Čas dla kožnaha aeraporta pakazany miascovy. Praciahłaść palotu składzie krychu bolš za hadzinu.
Akramia kirunku na Viciebsk, u letnim siezonie avijakampanijaj «Biełavija» vykonvajucca rejsy z Kalininhrada ŭ Minsk. U raskładzie zapłanavana da troch rejsaŭ štodnia. Taksama «Biełavija» ŭ pieryjad z červienia pa vierasień z častatoj dvojčy ŭ tydzień vykonvaje rejsy ŭ Brest — pa paniadziełkach i čaćviarhach, Homiel — pa sieradach i subotach, Hrodna — pa aŭtorkach i piatnicach.