Dziaŭčyna patanuła na vadajomie ŭ Kamianieckim rajonie paśla taho, jak pieraviarnułasia na nadzimanym matracy, paviedamlajuć biełaruskija ŚMI sa spasyłkaj na rajonnuju arhanizacyju Tavarystva ratavańnia na vadzie.
Incydent adbyŭsia ŭ niadzielu dniom na voziery Sipurka, što znachodzicca pablizu biełaruska-polskaj miažy. Cieła vadałazy zmahli znajści tolki praz sutki.
«Rabotnikami Tavarystva ŭ 80 mietrach ad bieraha na hłybini kala piaci mietraŭ było znojdzienaje cieła patanułaj», — skazali ŭ arhanizacyi. Pavodle infarmacyi vidavočcaŭ, dziaŭčyna płavała na nadzimanym matracy i na adlehłaści 50 mietraŭ ad bieraha pieraviarnułasia.
U Tavarystvie ratavańnia na vadzie zaklikali hramadzian, jakija źbirajucca na adpačynak da vadajomaŭ, być vielmi aściarožnymi.