Rumynskija ŭłady zakryli dostup da adnoj z samych papularnych słavutaściaŭ Rumynii — zamka Pajenary, jaki staŭ znakamity dziakujučy historyi hrafa Drakuły, piša VVS.
TASS
Jany chočuć abaranić turystaŭ — adnak nie ad vampiraŭ, jak možna było padumać, a ad miadźviedziaŭ.
Za apošni čas niekalki turystaŭ, jakija ŭzdymalisia pa leśvicy vyšynioj u 1480 prystupak da ruin staradaŭniaha zamka, sutykalisia z buraj miadźviedzicaj, jakaja haduje troch dziaciej niepadalok.
Ministerstva achovy navakolnaha asiarodździa dało miascovym uładam dazvoł vyvieźci žyvioł, adnak pakul niezrazumieła, kudy ich možna adpravić.
Palicyja ličyć, što miadźviedziaŭ pryciahnuła ježa, jakuju turysty pakidajuć paśla siabie kala zamka.
Zamak Pajenary hidy nazyvajuć «sapraŭdnym zamkam Drakuły» u procivahu bolš papularnamu zamku Bran, dzie kniaź Vałachii Uład Cepieš, jaki staŭ pratatypam hrafa Drakuły, tolki časam spyniaŭsia.
