Pa mienšaj miery 30 čałaviek zahinuli i 35 atrymali ranieńni ŭ vyniku terarystyčnaj ataki ŭ irackim horadzie Kierbieła, raźmieščanym za 100 kiłamietraŭ na poŭdzień ad Bahdada, paviedamlajuć infarmahienctvy sa spasyłkaj na The Independent.
Pavodle infarmacyi vydańnia, vybuchovaje prystasavańnie pryviała ŭ dziejańnie žančyna-śmiarotnica. Bomba była schavanaja ŭ jaje pad vopratkaj.
Šyity ličać Kierbiełu adnym sa svaich śviatych haradoŭ razam ź Miekaj, Miedzinaj, Jerusalimam i En-Nadžafam, tamu što tut u 680 hodzie ŭ chodzie Kierbielskaj bitvy sałdatami Jazida ibn Muavii byŭ abiezhałoŭleny imam Chusejn, syn Ali i ŭnuk praroka Muchamieda.
30 maja kala adnaho z mahazinaŭ u Bahdadzie spracavała vybuchnaja pryłada. U vyniku teraktu zahinuli 11 čałaviek. Raniej, 16 lutaha, achviarami vybuchu zaminavanaha aŭtamabila kala rynku patrymanych mašyn u Bahdadzie stali 48 čałaviek.
