Aktyvist Maładoha Frontu Siarhiej Palčeŭski paviedamiŭ na svajoj staroncy ŭ Facebook, što kryminalnaja sprava ŭ dačynieńni da jaho była spynienaja.
«U mianie tut pryjemnaja navina. Siońnia na poštu pryjšoŭ list ad KDB. Pišuć, što ŭ dačynieńni da mianie spynieny kryminalny pieraśled pa artykule 293 č. 3 za adsutnaściu składu złačynstva. Dziakuj usim za padtrymku. Spadziajusia, nieŭzabavie ŭsie viaźni pa «spravie patryjotaŭ» buduć na voli. Žyvie Biełaruś!», — napisaŭ Palčeŭski.
Siarhiej Palčeŭski — aktyvist Maładoha frontu, udzielnik šmatlikich akcyj pratestu i abarony Kurapataŭ. Jon byŭ zatrymany 22 sakavika, siadzieŭ u SIZA na «Vaładarcy», jamu vystavili abvinavačvańnie ŭ padrychtoŭcy masavych zakałotaŭ.
Palčeŭski vyjšaŭ na volu 15 krasavika i pryznaŭsia, što padpisaŭ damovu ab supracy z KDB pad psieŭdanimam «Artur».
