U Minsku kiroŭca vyrašyŭ pytańnie z parkoŭkaj dla svajho aŭtamabila: na dziciačuju placoŭku pryvioz ź dziasiatak vałunoŭ, kab na joj nie zmahli hulać dzieci, a jon moh spakojna parkavać aŭtamabil.
Fatahrafiju Tut.by dasłaŭ čytač Andrej. Mužčyna žyvie ŭ Frunzienskim rajonie, na vulicy Ihnatoŭskaha, 3.
«Z parkoŭkaj u nas, jak i va ŭsich dvarach: va ŭsich mašyny, ale miesca ŭsio ž znajści možna. Ale znajšoŭsia aŭtamabilist, jaki vyrašyŭ uładkavać sabie parkoŭku na dziciačaj placoŭcy. My ŭžo i milicyju na jaho vyklikali, i ŽES».
Vidać, što aŭtamabilist padyšoŭ da pracesu hruntoŭna — nie tolki pryvioz na placoŭku kamiani, ale i ŭkapaŭ ich, a zatym pafarbavaŭ.
Fota čytača
Pa stanie na viečar 6 červienia stała viadoma, što ŽES prybraŭ kamiani, pryviezienyja aŭtamabilistam. Ciapier vyrašajecca pytańnie ab tym, chto budzie adnaŭlać dziciačuju placoŭku — sam aŭtamabilist ci ŽES.
