U Lachavickim rajonie vyśviatlajuć abstaviny pryčynieńnia ciažkich cialesnych paškodžańniaŭ 25-hadovaj dziaŭčynie, paviedamiła BIEŁTA aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova.
Žycharka vioski Vialikaje Haradzišča z pranikalnym ranieńniem u vobłaści brušnaj paražniny była dastaŭlenaja bryhadaj chutkaj miedycynskaj dapamohi ŭ pryjomnaje adździaleńnie balnicy ranicaj 4 červienia. Sa słoŭ 49-hadovaha sužyciela maci paciarpiełaj, jaki vyklikaŭ miedrabotnikaŭ, jana atrymała traŭmu padčas čystki bulby.
Śledča-apieratyŭnaja hrupa vyjaviła, što incydent adbyŭsia ŭviečary 2 červienia. Pavodle papiarednich danych, pamiž haspadyniaj chaty i jaje sužycielem adbyłasia svarka, padčas jakoj mužčyna staŭ źbivać žančynu. Dziaŭčyna zastupiłasia za svaju maci, i mužčyna nanios joj niekalki ŭdaraŭ kuchonnym nažom.
«Usie ŭdzielniki incydentu pražyvajuć sumiesna i ŭ toj momant znachodzilisia ŭ stanie ałkaholnaha apjanieńnia. Sa słoŭ maci, jany nie stali adrazu vyklikać chutkuju dapamohu, bo nie chacieli, kab jaje sužyciela pryciahnuli da kryminalnaj adkaznaści», — dadała Maryna Drańkova.
U dačynieńni da mužčyny Lachavicki RASK raspačaŭ kryminalnuju spravu pa č. 1 art. 147 KK (naŭmysnaje pryčynieńnie ciažkich cialesnych paškodžańniaŭ). Padazravany zatrymany i źmieščany ŭ izalatar časovaha ŭtrymańnia.