Bob Dyłan. Fota styleinsider.com.ua
Lehiendarny amierykanski paet i muzyka Bob Dyłan vykanaŭ umovu dla atrymańnia hrašovaj častki Nobieleŭskaj premii. U paniadziełak, 5 červienia, Šviedskaja karaleŭskaja akademija ŭ Stakholmie paviedamiła pra atrymańnie Nobieleŭskaj lekcyi łaŭreata pa litaratury. Lekcyja Dyłana pavinna była być adpraŭlena akademikam da 10 červienia 2017 hoda, i ciapier muzyka moža raźličvać na 8 miljonaŭ šviedskich kron (amal miljon dalaraŭ). Takaja ŭmova isnuje tolki dla łaŭreataŭ Nobieleŭskaj premii ŭ halinie litaratury.
Tekst u akademii nazvali «niezvyčajnym i krasamoŭnym». Jaho možna prasłuchać i pračytać na sajcie Šviedskaj karaleŭskaj akademii.
Miedal i dypłom Nobieleŭskaj premii Dyłanu ŭručyli ŭ krasaviku, kali jon znachodziŭsia ŭ Šviecyi z kancertami. Na cyrymonii ŭznaharodžańnia nobieleŭskich łaŭreataŭ u śniežni jon nie prysutničaŭ. Bolš za toje, ciaham niekalkich tydniaŭ paśla prysudžeńnia Bobu Dyłanu Nobieleŭskaj premii pa litaratury ŭ kastryčniku 2016 hoda siabry žury nie mahli ź im źviazacca.
