Ułady Maldyvaŭ abviaścili pra razryŭ dypłamatyčnych adnosin z Kataram. Pra heta paviedamlaje telekanał Al Arabiya.
Maldyvy stali siomaj krainaj, jakaja vyrašyła razarvać adnosiny z Kataram. Raniej pra hetaje rašeńnie zajavili Jemien, Livija, Bachrejn, Jehipiet, AAE i Saudaŭskaja Aravija. Svaje dziejańni arabskija krainy patłumačyli tym, što Katar padtrymlivaje ekstremisckija ruchi na Blizkim Uschodzie, u tym liku «Isłamskuju dziaržavu». Akramia taho, Dochu (stalica Katara) abvinavacili ŭ sprobie destabilizavać palityčnuju situacyju ŭnutry hetych krain.
Krainy, jakija razarvali adnosiny z Kataram, zajavili pra namier spynić ź im transpartnyja kamunikacyi. Tak, ab spynieńni palotaŭ u Katar užo zajaviła avijakampanija FlyDubai. Ułady AAE dali hramadzianam Katara 14 dzion dla taho, kab pakinuć krainu. Ujezd katarcam u AAE byŭ zabaronieny.
