Rehijanalnaje Ministerstva achovy zdaroŭja Sarataŭskaj vobłaści abaviazała lekaraŭ paviedamlać u palicyju ab pacyjentkach, maładziejšych za 16 hadoŭ, jakija pazbavilisia cnatlivaści. Taki zahad za podpisam rehijanalnaha ministra achovy zdaroŭja Uładzimira Šuldziakova apublikavany ŭ aficyjnaj bazie danych.
Zhodna z zahadam, lekary taksama pavinny paviedamlać u palicyju pra vypadki ciažarnaści niepaŭnaletnich, a taksama pra vyjaŭleńnie ŭ ich zachvorvańniaŭ, jakija pieradajucca pałavym šlacham.
U zahadzie havorycca, što jon padpisany «z metaj kryminalna-pravavoj achovy dziaciej i padletkaŭ, zabieśpiačeńnia svoječasovaha reahavańnia na fakty ździajśnieńnia złačynstvaŭ suprać pałavoj svabody i pałavoj niedatykalnaści niepaŭnaletnich».
U listapadzie 2016 hoda Śledčy kamitet Rasii paprasiŭ ministerstva achovy zdaroŭja abaviazać lekaraŭ paviedamlać pra padletkaŭ da 16 hadoŭ, jakija zajmalisia seksam.
Infarmacyja pra stan zdaroŭja pacyjentaŭ źjaŭlajecca miedycynskaj tajamnicaj, vydavać jakuju daktaram zabaroniena. Jany abaviazany źviartacca ŭ palicyju tolki ŭ tych vypadkach, kali jość padstavy mierkavać, što pacyjent staŭ achviaraj złačynstva.
