U Kabule ŭ vyniku troch vybuchaŭ zahinuli šeść čałaviek, paviedamili VVS ŭ Ministerstvie achovy zdaroŭja Afhanistana.
Vybuchi prahrymieli padčas pachavańnia adnaho z udzielnikaŭ antyŭradavaj demanstracyi, jakaja prachodziła ŭ piatnicu - syna namieśnika śpikiera sienata Afhanistana. Jon zahinuŭ u vyniku sutyknieńnia z palicyjaj.
Sama demanstracyja tady pravodziłasia ŭ znak pratestu suprać biaździejnaści, na dumku pratestujučych, uładaŭ krainy, što i pryviało ŭ minułuju sieradu da bieśpieraškodnaha pravozu ŭ horad vialikaj kolkaści vybuchoŭki, jakaja vykarystoŭvałasia dla padryvu aŭtamabila la niamieckaj ambasady. U vyniku vybuchu tam zahinuli 90 čałaviek.
Na pachavańniach u subotu prysutničaŭ premjer-ministr Afhanistana Abduła Abduła. Pavodle miascovych ŚMI, jon nie paciarpieŭ.
