Biudžet rasijskaha dziaržaŭnaha infarmacyjnaha ahienctva TASS pavialičycca na 15,8 młn dalaraŭ, MIA «Rośsija Siehodnia» — na 14 młn dalaraŭ, chołdynhu VHTRK — na 3,2 młn. dalaraŭ. Heta vynikaje z zakonaprajekta ab biudžecie na 2017 hod, uniesienaha ŭradam u piatnicu ŭ Dziarždumu, piša VVS.
Hałoŭny redaktar i hienieralny dyrektar MIA «Rośsija Siehodnia» Marharyta Simańjan i Dźmitryj Kisialoŭ sioleta zmohuć rasparadzicca dadatkovymi hrašyma. Fota TASS
Usiaho dziaržaŭnyja vydatki na ŚMI prapanavana pavialičyć na 2,5 młrd rasijskich rubloŭ (kala $45 młn). Hetyja srodki nakiravanyja Fiederalnamu ahienctvu pa spravach druku, ahulny biudžet jakoha ŭ 2017 hodzie pakul što składaje 74,3 młrd rubloŭ (kala $1,3 młrd). Hrošy prachodziać pa artykule «Srodki masavaj infarmacyi», heta značyć iduć na subsidyi dziaržaŭnym ŚMI.
Papraŭki ŭ biudžet, jakija tyčacca ŚMI, pavinny być razhledžanyja ŭ profilnym kamitecie Dziarždumy — kamitecie pa infarmacyjnaj palitycy. Surazmoŭca VVS u kamitecie skazaŭ, što papraŭki buduć padtrymany.