Na iPhone prezidenta ZŠA Donalda Trampa ŭstanoŭleny tolki adzin mabilny dadatak. Pra heta vydańniu Axios raspaviała krynica ŭ Biełym domie, pieradajuć infarmahienctvy.
TechCrunch
Tramp aktyŭna viadzie svoj Twitter, tamu na jaho smartfonie ŭstalavany tolki klijent hetaj sacsietki. Adznačajecca, što iPhone kiraŭnika amierykanskaj administracyi maje mnostva abmiežavańniaŭ. Naprykład, na im schavanaja bolšaść standartnych prahram, a taksama zabaroniena zahružać prahramy z kramy AppStore.
Akramia taho, krynicy raspaviali, što ŭ Biełym domie usimi siłami sprabujuć zahruzić hrafik Trampa, kab jon mienš hladzieŭ televizar i pisaŭ u Twitter. Choć sam prezident ZŠA patrabuje, kab jamu davali bolš volnaha času.
U sakaviku paviedamlałasia, što prezident ZŠA Donald Tramp pačaŭ vykarystoŭvać iPhone. Da hetaha jon karystaŭsia Samsung Galaxy S3, jaki pierastaŭ atrymlivać abnaŭleńni biaśpieki ŭ 2015 hodzie. Mierkavałasia, što jon zdaść svoj hadžet paśla inaŭhuracyi, adnak i paśla ŭstupleńnia na pasadu prezident nie zdradziŭ svaim zvyčkam.
U chodzie pieradvybarčaj kampanii Tramp zaklikaŭ bajkatavać pradukcyju Apple, bo karparacyja admoviłasia ŭzłamać pa zapycie FBR iPhone terarysta, jaki zabiŭ 14 čałaviek i raniŭ jašče 21 u budynku centra dla ludziej z abmiežavanymi mahčymaściami ŭ kalifarnijskim San-Biernardzina ŭ śniežni 2015 hoda.
Papiarednik Trampa Barak Abama addavaŭ pieravahu pryładzie BlackBerry z abmiežavańniem šerahu funkcyj, adnak paźniej jon taksama źmianiŭ aparat na iPhone.
