«Pierad tym jak hruntoŭna zasieści za novy materyjał, praciahvajem tradyciju hrać prahramu na bis — nie tak šmat nahod isnuje kab vykanać całkam albom. Mnohija z trekaŭ davoli składana vykanać žyŭcom, tamu dla nas heta dobry vyklik. A dla našych słuchačoŭ dobraja mahčymaść pasłuchać pieśni, jakija my vielmi redka hrajem na kancertach», - kaža lidar hurta Re1ikt bubnač Alaksandr Dziemidzienka.
Prezientacyja dyska z anšłaham prajšła ŭ staličnym kłubie «Bruhie» ŭzimku. Pa vynikach minułaha hoda «Kufar» trapiŭ u top-10 siabraŭ vialikaha žury partału Experty.by - Siarhieja Filimonava, Maksima Žbankova, Dziny Kudrejki, Siarhieja Budkina, Źmitra Padbiarezskaha. Taksama adnym z svaich ulubionych albomaŭ jaho nazvaŭ amierykanski televiadučy Met O'Doneł.
Albom «Kufar» zapisvaŭsia ŭ Polščy paralelna z najlepšym biełaruskim rok-albomam 2015 hoda «Lekavyja travy» (Experty.by i Rock Profi) i atrymaŭsia takim ža liryčnym i atmaśfiernym. U jaho ŭvajšli i šmatlikija bonus-treki «niezvyčajnaha» Re1ikt, jaki zaŭsiody ekśpierymientuje (naprykład, stadyjonny chit «Razam» — himn futbolnaha kłuba «Krumkačy», a taksama džaz-rokavy duet «Tolki shieh» z saksafanistam Krambabambula Paŭłam Arakielanam na słovy Janki Kupały).
Srodki na vydańnie albomu, a taksama na zdymki klipa na pieśniu «Drobnieńki doždžyk» hurt sabraŭ pa vyniku paśpiachovaj kraŭdfandynhavaj kampanii na płatformie «Tałaka».
Aproč Minsku Re1ikt prezientavaŭ albom «Kufar» i ŭ šerahu biełaruskich haradoŭ. Ciapier muzyki «na bis» znoŭ prademanstrujuć kružełku ŭ stalicy, a taksama paradujuć słuchačoŭ svaimi najlepšymi kampazicyjami i siurpryzami, jakija pakul trymajuć u tajamnicy.
Re1ikt — hurt, jaki pracuje ŭ napramkach progressive rock, post-rock i alternative rock. Kamanda spałučaje ich z tradycyjnym biełaruskim piesiennym falkłoram, jaki tvorča pieraasensoŭvaje i robić aktualnym dla sučasnaha słuchača. Kalektyŭ atrymlivaŭ muzyčnyja uznaharody ŭ Polščy i Biełarusi, vystupaŭ va Ukrainie, u Litvie, Rasii.
Kancert adbudziecca 28 maja ŭ minskim TNT Rock Club (Revalucyjnaja, 9). Pačatak a 19.00.
