U Stoŭbcach dzicia zahinuła pad kołami hruzavika. Pra heta Tut.bypaviedamiła aficyjny pradstaŭnik USK pa Minskaj vobłaści Taćciana Biełanoh.
Fota SK
Trahiedyja adbyłasia ŭdzień 25 maja: pablizu nierehulavanaha piešachodnaha pierachodu hruzavym aŭtamabilem MAZ byŭ učynieny najezd na vučanicu 9 kłasa haradskoj škoły. U vyniku DTZ dziaŭčynka 2002 hoda naradžeńnia ad atrymanych traŭmaŭ pamierła na miescy zdareńnia.
«U chodzie pieršapačatkovych śledčych dziejańniaŭ pravodzicca ahlad miesca zdareńnia, ustanaŭlivajucca śviedki i vidavočcy, fiksujucca abjekty i ślady, jakija majuć značeńnie dla ŭstanaŭleńnia času, charaktaru i inšych abstavinaŭ taho, što adbyłosia. Pryznačany šerah ekśpiertyz, u tym liku pa techničnym stanie vialikahruznaha transpartnaha srodku i pryčynu śmierci zahinułaj», — paviedamili ŭ SK.
Papiarednie, kiroŭca byŭ ćviarozy.
Staŭbcoŭski RASK raspačaŭ kryminalnuju spravu pa prykmietach złačynstva, praduhledžanaha č. 2 art. 317 (Parušeńnie PDR, što paciahnuła pa nieaściarožnaści śmierć čałavieka) KK RB.
