Ciopłaje suchoje nadvorje čakajecca ŭ Biełarusi na vychadnyja, paviedamiła BIEŁTA namieśnik načalnika słužby mietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Śviatłana Rybakova.
fota Julii Balcevič
«Na hetym tydni maj akazaŭsia ščodrym na soniečnyja dni, a tempieraturny fon utrymlivajecca ŭ miežach klimatyčnaj normy. U apošnija majskija vychadnyja, 27-28 maja, čakajecca ŭmierana ciopłaje, pieravažna biez apadkaŭ nadvorje», — raskazała sinoptyk.
U piatnicu, 26 maja, umovy nadvorja na terytoryi Biełarusi budzie vyznačać vilhotnaja niaŭstojlivaja pavietranaja masa, jakaja pastupaje z Bałtyjskaha mora. Nočču pieravažna pa paŭdniova-ŭschodnich rajonach, ranicaj i dniom na bolšaj častcy terytoryi krainy projduć karotkačasovyja daždžy, dniom u asobnych rajonach prahrymiać navalnicy. Nočču i ranicaj u asobnych rajonach Biełarusi čakajecca słaby tuman. Tempieratura pavietra ŭnačy składzie plus 6-12 hradusaŭ, udzień pavietra prahrejecca da 17-23 hradusaŭ ciapła.
U vychadnyja ŭmovy nadvorja na terytoryi Biełarusi budzie vyznačać vobłaść pavyšanaha atmaśfiernaha cisku, tolki va ŭschodnich rajonach krainy prajavicca ŭpłyŭ małaaktyŭnaha frantalnaha raździełu. U subotu, 27 maja, budzie pieravažna biez apadkaŭ, tolki pa ŭschodzie Biełarusi projduć karotkačasovyja daždžy, dniom mahčymy navalnicy. Tempieratura pavietra ŭnačy składzie 4-10 hradusaŭ vyšej za nul, udzień budzie ad plus 15 pa paŭnočnym uschodzie da plus 22 pa paŭdniovym zachadzie krainy.
U niadzielu, 28 maja, budzie pieravažna biez apadkaŭ, tolki ŭ asobnych rajonach Viciebskaj i Mahiloŭskaj abłaściej projduć karotkačasovyja daždžy, dniom mahčymy navalnicy. Tempieratura pavietra ŭnačy składzie 5-12 hradusaŭ vyšej za nul. Udzień — 14-21 hradus ciapła, pa paŭdniovym zachadzie pavietra prahrejecca da plus 22-27.
U paniadziełak, 29 maja, čakajecca ciopłaje niaŭstojlivaje nadvorje. Atmaśfierny front abumović nočču ŭ asobnych rajonach, a dniom na bolšaj častcy terytoryi krainy karotkačasovyja daždžy, mahčymy navalnicy. Tempieratura pavietra ŭnačy składzie 9-16 hradusaŭ vyšej za nul. Udzień - 18-25 hradusaŭ ciapła, u paŭdniovych rajonach pavietra prahrejecca da plus 28.
U apošnija dni maja nadvorje ŭ krainie buduć vyznačać małaaktyŭnyja frantalnyja raździeły i bolš śviežyja pavietranyja masy, jakija pastupajuć sa Skandynavii. U aŭtorak, 30 maja, u asobnych rajonach Biełarusi projduć karotkačasovyja daždžy z navalnicami. Tempieratura pavietra nočču składzie 9-16 hradusaŭ vyšej za nul. Dniom — 16-23 hradusy ciapła, pa poŭdni pavietra prahrejecca da plus 25.
U sieradu, 31 maja, u asobnych rajonach krainy nie abydziecca biez karotkačasovych daždžoŭ, dniom mahčymy navalnicy. Tempieratura pavietra nočču składzie plus 5-12 hradusaŭ, dniom — 16-23 hradusy ciapła.
