Ekśpiertnaja rada ŭ Minsku vyznačała 7 naminantaŭ na suiskańnie premij Sajuznaj dziaržavy ŭ halinie litaratury i mastactva za 2017-2018 hady.
U liku naminantaŭ staršynia Sajuza piśmieńnikaŭ Biełarusi Mikałaj Čarhiniec, hałoŭny redaktar haziety «SB. Biełaruś siehodnia» Pavieł Jakubovič, hałoŭny dyryžor Dziaržaŭnaha akademičnaha simfaničnaha arkiestra Biełarusi Alaksandr Anisimaŭ, aŭtarski kalektyŭ za cykł multfilmaŭ «Kazki staroha pijanina», kampazitar, narodny artyst Rasii Aleh Ivanoŭ, dyryžor, narodny artyst Rasii Valeryj Palanski, muzyka Alaksandr Šalin.
Napieradzie hramadskaje abmierkavańnie naminantaŭ, a ŭ vieraśni budzie pryniata rašeńnie Vyšejšym dziaržsavietam Sajuznaj dziaržavy. Usiaho budzie ŭručacca try premii — pa 5 miljonaŭ rasijskich rubloŭ (pa $89 tysiač pa ciapierašnim kursie).
Uznaharoda ŭručajecca za tvory, jakija «ŭnosiać vialiki ŭkład va ŭmacavańnie adnosin braterstva, siabroŭstva i ŭsiebakovaha supracoŭnictva pamiž Biełaruśsiu i Rasijaj».
