Adrazu na dvuch pamiežnych ź Biełaruśsiu punktach — «Damanava» ŭ Vałynskaj dy «Haradzišča» ŭ Roŭnienskaj abłaściach — ukrainskija pamiežniki papiaredzili sprobu niezakonnaha pieramiaščeńnia zbroi.
U adnym vypadku vintoŭku z aptyčnym prycełam kalibru 5,5 milimetra sprabavaŭ pieravieźci ŭ bahažnym adździaleńni lehkavoha aŭtamabila «Piožo» hramadzianin Biełarusi. «Hetaja sučasnaja pneŭmatyčnaja vintoŭka pieravoziłasia prychavanaju, a dla jaje pieramiaščeńnia patrebny specyjalny dazvoł. U takich vypadkach zvyčajna składajecca pratakolny dakument, a vyjaŭleny pradmiet i aŭtamabil, na jakim jon pieravoziŭsia, kanfiskujucca», — paviedamiŭ Radyjo Svaboda daradca staršyni Dziaržaŭnaj pamiežnaj słužby Ukrainy Aleh Słabadzian.
U druhim vypadku pneŭmatyčny pistalet kalibru 4,5 milimetra dy 13 palaŭničych patronaŭ byli vyjaŭlenyja ŭ aŭtamabili hramadzianina Ŭkrainy. Abodva hramadzianina nakiroŭvalisia z Ukrainy ŭ Biełaruś.
«Hramadzianaŭ i vyjaŭlenuju zbroju pamiežniki Łuckaha pamiežnaha atradu pieradali supracoŭnikam Nacyjanalnaj palicyi», — paviedamili Radyjo Svaboda ŭ administracyi Dziaržaŭnaj pamiežnaj słužby Ŭkrainy.