Brazilskija šachciory zdabyli hihancki smarahd vahoj bolš za 360 kh i vyšynioj 1,3 m. Pra heta paviedamlaje telekanał G1 Globo.
Pavodle infarmacyi telekanała, smarahd byŭ znojdzieny na hłybini 200 m u šachcie Karnaiba kala 25 dzion tamu. Jaho znajšli šachciory kampanii Bahia Mineral Cooperative ŭ horadzie Pindobasie u štacie Baija.
Smarahd byŭ pradadzieny adnamu ź miascovych uładalnikaŭ šacht, jaho imia nie raskryvajecca. Juryst pakupnika raspavioŭ, što jaho klijent choča vystaŭlać kaštoŭnaść na ahlad u muziejach i biblijatekach.
Heta druhi bujny smarahd, znojdzieny ŭ rehijonie. Papiaredni byŭ znojdzieny ŭ 2001 hodzie. Jon byŭ amal na 20 kh ciažejšym, a jaho košt skłaŭ bolš za $300 młn. Kamień byŭ nielehalna dastaŭleny ŭ ZŠA i na praciahu niekalkich hadoŭ byŭ pradmietam sprečki pamiž uradami Brazilii i ZŠA. U 2015 hodzie było pryniata rašeńnie, što smarahd zastaniecca ŭ Złučanych Štatach.
