Urady Biełarusi i Rasii da kanca hoda pavinny padrychtavać prapanovy pa troch intehracyjnych prajektach, raspavioŭ žurnalistam u kułuarach Biełaruskaha pramysłovaha forumu vice-premjer Uładzimir Siamaška.
Pavodle jaho, takaja damoŭlenaść była dasiahnutaja ŭ ramkach niadaŭnich pieramovaŭ pa naftahazavym pytańni. Siamaška skazaŭ, što namiotki adnosna biełaruskich udzielnikaŭ užo jość, ale nie ŭdakładniŭ, pra jakija aktyvy idzie havorka, adznačyŭšy tolki, što heta pradpryjemstvy naftachimii i mašynabudavańnia.
Što datyčycca formy ŭzajemadziejańnia, to «heta moža być abmien aktyvami, kupla akcyj, dadatkovyja emisii akcyj i inšyja».
Nahadajem, u 2011—2014 hadach Biełaruś i Rasija viali pracu pa piaci intehracyjnych pramysłovych prajektach: chołdynh «Raśbiełaŭta» (MAZ — KamAZ), «Intehrał» i «Rasijskaja elektronika», Minski zavod kołavych ciahačoŭ i HK «Rostiech», «Pielenh» i Fiederalnaje kaśmičnaje ahienctva «Raskosmas», «Hrodna Azot» i «Jeŭrachim» albo inšy partnior.
Kala dvuch hadoŭ tamu vice-premjer Rasii Arkadź Dvarkovič skazaŭ, što prajekt aŭtamabilnaha chołdynhu «Raśbiełaŭta» kančatkova vypaŭ ź liku pryjarytetnych praz toje, što «pa im niama sumiesnaha razumieńnia».