Znakamity saviecki i amierykanski kinaakcior Aleh Vidaŭ pamior siońnia ŭ ZŠA, paviedamlajuć infarmahienctvy sa spasyłkaj na žonku akciora Džoan Borsten.
Vidaŭ i Švarcenehier u filmie «Čyrvonaja śpioka»
Akcior pajšoŭ z žyćcia ŭ 73 hady ŭ siabie doma va Uestłejk-Vilidž kala Łos-Andželesa. Śmierć nastupiła ad uskładnieńniaŭ, źviazanych z rakavym zachvorvańniem.
Aleh Vidaŭ pačaŭ zdymacca ŭ kino ŭ 1960 hodzie. U jaho akciorskaj skarboncy hałoŭnyja roli ŭ filmach «Vieršnik biez hałavy» i «Maskva, luboŭ maja». Zdymaŭsia ŭ «Džentlmenach udačy» i ŭ «Kazcy pra cara Sałtana». Pracavaŭ ź viadomymi režysiorami, u tym liku ź Siarhiejem Bandarčukom u «Vaterłoo».
Vidaŭ u roli Morysa Džeralda ŭ filmie «Vieršnik biez hałavy»
U 1985 hodzie Aleh Vidaŭ pierajechaŭ u ZŠA i staŭ pracavać u Halivudzie. Jaho partniorami pa zdymačnaj placoŭcy byli Arnold Švarcenehier, Miki Rurk, Uoren Bici.
U 1988 hodzie akcior razam z žonkaj zaniaŭsia biznesam i stvaryŭ firmu pa restaŭracyi i raspaŭsiudžvańni savieckich multfilmaŭ.