Alaksandr Łukašenka pryjechaŭ na ŭračysty pryjom z nahody praviadzieńnia forumu «Adzin pojas — adzin šlach» u Piekinie, u jakim biaruć udzieł prezidenty i kiraŭniki ŭradaŭ kala 40 krain, z synam Mikałajem. Pra heta paviedamlaje ria.ru.
Reuters.com
Pierad uračystaj viačeraj prajšła cyrymonija sumiesnaj fotasiesii sa staršynioj KNR Si Czińpinam i jaho žonkaj Pen Lijuań.
«Kitajski lidar, jaki ŭžo sustrakaŭsia ź Mikałajem, zrabiŭ charakterny žest rukoj, jaki aznačaje, što chłopčyk vyras. Mikałaj padaryŭ pieršaj łedzi škatułku, jakuju dastaŭ sa skrynački. Žonka kitajskaha lidera pacałavała chłopčyka ŭ abiedźvie ščaki», - paviedamlaje ahienctva.
Mikałaj užo nie ŭpieršyniu ŭ Kitai. U vieraśni 2015 hoda Łukašenka razam z synam pryjechaŭ u Piekin na parad z nahody 70-hodździa pieramohi kitajskaha naroda ŭ vajnie supraciŭleńnia ź Japonijaj.
