«Majskija muzyčnyja viečary» projduć u filijale Muzieja historyi Minska «Łošyckaja siadziba» 13, 20 i 27 maja, paviedamili BIEŁTA ŭ pres-słužbie Minharvykankama.
Haściej čakajuć kancertnyja prahramy «Viasieńniaja sierenada», «Muzyka ŭ biełaruskich siadzibach», «I žyćcio, i ślozy, i luboŭ…» Naviedvalniki zmohuć pačuć vakalnyja i instrumientalnyja kampazicyi roznych žanraŭ i stylaŭ u vykanańni talenavitych maładych muzykantaŭ. Kancerty adbuducca ŭ 19.00. Dla dziaciej da siami hadoŭ uvachod biaspłatny.
Inicyjatary majskich muzyčnych viečaroŭ — udzielniki mižnarodnaha prajekta Young Voices, jakija tradycyjna vystupajuć u histaryčnych miescach - muziejach, pałacach i zamkach. U balnaj zale Łošyckaj siadziby prahučyć muzyka biełaruskich, ruskich i jeŭrapiejskich kampazitaraŭ minułych epoch.
Meta arhanizataraŭ mierapryjemstva — adradžeńnie bahatych tradycyj muzyčnych sałonaŭ XVIII — pačatku XX stahodździaŭ, papularyzacyja kłasičnaj muzyki i muzyčnaj spadčyny Biełarusi.
