U 2016 hodzie suśvietnyja vajskovyja vydatki dasiahnuli $1686 młrd, jany pavialičylisia ŭ paraŭnańni z 2015 hodam na 0,4% u realnym vyražeńni. Pavodle novych źviestak Stakholmskaha mižnarodnaha instytuta daśledavańnia prablem miru (SIPRI), Rasija vyjšła na treciaje miesca ŭ śviecie, abahnaŭšy Saudaŭskuju Araviju. Biełaruś — 76-ja, straciŭšy dźvie pazicyi. Jaje vydatki letaś źnizilisia na 17,5% — da $597 młn.
Biełaruskija desantniki na sumiesnych taktyčnych vučeńniach u Pskoŭskaj vobłaści ŭ lutym 2017 hoda. Fota: Sputnik.
Rost suśvietnych vajskovych vydatkaŭ naziraŭsia ŭpieršyniu z 2011 h., kali vydatki dasiahnuli svajho piku, skłaŭšy $1699 młrd.
Vydatki praciahvali raści ŭ Azii i Akijanii, Paŭnočnaj Afrycy, Centralnaj i Uschodniaj Jeŭropie.
Naadvarot, u Centralnaj Amierycy, krainach Karybskaha basiejna, na Blizkim Uschodzie, Paŭdniovaj Amierycy i ŭ krainach Afryki na poŭdzień ad Sachary vydatki skaracilisia.
Złučanyja Štaty Amieryki zastajucca krainaj z samymi vysokimi ŭ śviecie štohadovymi vajskovymi vydatkami. U 2016 h. vydatki ZŠA vyraśli na 1,7% u paraŭnańni z 2015 h. i skłali $611 młrd.
Kitaj, vajennyja vydatki jakoha pavialičylisia na 5,4%, da $215 młrd, znachodziŭsia na druhim miescy ŭ rejtynhu krain z samymi vysokimi vajskovymi vydatkami. Tym nie mienš chutkaść ich rostu istotna źniziłasia ŭ paraŭnańni z papiarednimi hadami.
Rasija pavialičyła svaje vydatki na 5,9% (da $69,2 młrd) i apynułasia na trecim miescy ŭ śpisie krain z samymi vysokimi vajskovymi vydatkami.
Saudaŭskaja Aravija zajmała treciaje miesca pa vieličyni vajskovych vydatkaŭ ŭ 2015 h., ale pierajšła na čaćviortuju pazicyju ŭ 2016 h. Niahledziačy na pastajanny ŭdzieł Saudaŭskaj Aravii ŭ rehijanalnych vojnach, u 2016 h. jaje vydatki skaracilisia na 30% — da $63,7 młrd.
Vajskovyja vydatki Indyi vyraśli na 8,5% i skłali $55,9 młrd, što pastaviła jaje na piataje miesca ŭ rejtynhu krain z samymi vysokimi vajskovymi vydatkami ŭ 2016 h.
Vajskovyja vydatki ŭ Zachodniaj Jeŭropie raśli dva hady zapar z 2015 h. i pavialičylisia na 2,6% ŭ 2016 h. Rost vydatkaŭ naziraŭsia va ŭsich krainach Zachodniaj Jeŭropy, za vyklučeńniem troch krain. Najbolš prykmietnaje pavieličeńnie zafiksavana ŭ Italii, vydatki pavialičylisia na 11%.
Krainy z najbolšym adnosnym pavieličeńniem vajskovych vydatkaŭ u pieryjad z 2015 pa 2016 h. znachodziacca ŭ Centralnaj Jeŭropie. Sukupnyja vydatki ŭ hetym rehijonie vyraśli na 2,4% ŭ 2016 h. «Rost raschodaŭ u mnohich krainach Centralnaj Jeŭropy zbolšaha tłumačycca usprymańniem Rasii jak krainy, jakaja ŭjaŭlaje pahrozu, — paviedamlaje Simon Viezieman, staršy navukovy supracoŭnik Prahramy ŭzbrajeńniaŭ i vajennych vydatkaŭ SIPRI. — I heta niahledziačy na toje, što vajskovyja vydatki Rasii ŭ 2016 hodzie skłali ŭsiaho 27% ad ahulnaha abjomu vajskovych vydatkaŭ jeŭrapiejskich členaŭ NATA».
«Padzieńnie koštaŭ na naftu pryviało da skaračeńnia dachodaŭ ad nafty i da spałučanych z hetym ekanamičnych prablem. Heta vymusiła mnohija krainy — eksparciory nafty pamienšyć svaje vajskovyja vydatki», — adznačajuć u SIPRI.
Najbolšaja skaračeńnie vajennych vydatkaŭ ŭ 2016 hodzie ŭ suviazi z pamianšeńniem nacyjanalnych dachodaŭ ad nafty było ŭ Vieniesuele (-56%), Paŭdniovym Sudanie (-54%), Azierbajdžanie (-36%), Iraku (-36%) i Saudaŭskaj Aravii (-30%).
Čytać całkam: