Samsung była vymušana padoŭžyć terminy pastaŭki priedzamoŭlenych Galaxy S8 u Paŭdniovaj Karei na tydzień z-za ažyjatažnaha popytu. Pra heta sa spasyłkaj na zajavu kampanii paviedamlaje Yonhap.
Kali raniej kampanija abiacała pastavić zareziervavanyja S8 i S8 Plus da 24 krasavika, dyk ciapier termin ssunuŭsia na 30 krasavika. Priedzamovu adkryli 7 krasavika, z taho času pakupniki pakinuli zajaŭki bolš čym na miljon smartfonaŭ.
Pakul, pavodle Yonhap, u mabilnych sietkach zarehistravalisia tolki 400 tysiač novych pryład. Pryčym ad 21 krasavika Galaxy S8 pastupili ŭ prodaž, a značyć niekatoryja z priedzamoŭlenych smartfonaŭ dastaviać paźniej, čym kali b ich prosta kupili ŭ kramie.
Galaxy S8 pradstavili ŭ kancy sakavika 2017 hoda. Heta stała pieršym abnaŭleńniem fłahmanskaj liniejki paśla vychadu Galaxy Note 7, jaki daviałosia adklikać z-za prablem z uzharańniem akumulatara. Galaxy S8 abstalavany ekranam, jaki «załazić» na bakavyja hrani smartfona, i hałasavym pamočnikam Bixby. Telefon možna razbłakavać nie tolki adbitkam palca, ale i skanavańniem viasiołkavaj abałonki voka.
