U Salihorsku 56-hadovy mužčyna ź pnieŭmatyčnaj vintoŭki adstrelvaŭ varon u dvary svajho doma, i trapiŭ u akno dziciačaha sada. Pra heta TUT.BY paviedamili ŭ pres-słužbie UUS Minabłvykankama.
Pra toje, što ŭ dziciačym sadzie №15 strełam paškodžana akonnaja šyba, 3 krasavika kala 16.00 paviedamiła zahadčyca.
Praź niekalki dzion asoba strałka była vyśvietlenaja. Im akazaŭsia 56-hadovy žychar Salihorska. Ź jaho słoŭ, jon adstrelvaŭ ź pnieŭmatyčnaj vintoŭki varon u dvary, i ŭžo dakładna nie chacieŭ stralać pa voknach dziciačaha sada, ale ŭ zapale «palavańnia» pramachnuŭsia.
13 krasavika ŭ dačynieńni da mužčyny raspačata kryminalnaja sprava pa č.1 art. 339 KK RB (chulihanstva). Jamu pahražaje da troch hadoŭ pazbaŭleńnia voli.
0
0
0
0
0
0