Prezident Rasii Uładzimir Pucin pryniaŭ u Kramli dziaržsakratara ZŠA Reksa Tylersana i ministra zamiežnych spraŭ Rasii Siarhieja Łaŭrova. Pra heta paviedamiŭ žurnalistam pres-sakratar prezidenta Dźmitryj Piaskoŭ, piša VVS.
JERA
Pra toje, ci adbudziecca sustreča dziaržsakratara novaj administracyi Biełaha doma z prezidentam Pucinym, nie było viadoma da apošniaha momantu.
Raniej Dźmitryj Piaskoŭ paviedamiŭ, što kali na praciahu dnia Tylersan i Łaŭroŭ paličać metazhodnym «dałažyć ab vynikach pieramovaŭ kiraŭniku dziaržavy», to sustreča mahčymaja.
U sieradu ŭ domie pryjomaŭ rasiejskaha MZS prajšli pieramovy Reksa Tylersana i Siarhieja Łaŭrova, na jakich baki, jak paviedamlajecca, pasprabavali zhładzić asabliva vostryja vuhły, jakija ŭźnikli pamiž dźviuma krainami z-za padziej u Siryi.
