Kampanija Google vypuściła biaspłatnuju prahramu dla amataraŭ malavać. AutoDraw dapamoža pieratvaryć kramzoli ŭ sapraŭdnyja malunki. Tak što, kali vy nie vałodajecie asablivymi talentami ŭ hetaj śfiery, to hetaja prahrama dapamoža vam, jak minimum, cikava pravieści čas.
Dadzienaj prahramaj možna karystacca jak na kampjutary, tak i na płanšecie ci smartfonie. Adpaviedna malavać možna z dapamohaj myški abo dotykam pa sensarnym ekranie. Vy malujecie žadanuju formu, a štučny intelekt prapanuje vam niekalki varyjantaŭ budučaha tvoru.
Naprykład, kali vy namalavali akružnaść, to prahrama prapanuje vam pa vyniku miač, kavun, tvar i da t. p. Dźvie akružnaści, złučanyja linijaj, AutoDraw raspaznaje jak rovar. Na dadzieny momant baza hatovych malunkaŭ nie takaja vialikaja, ale raspracoŭščyki ŭ chutkim časie płanujuć jaje pašyryć.
