Ravaryst zahinuŭ pad kołami hruzavoha furhona ŭ Žabinkaŭskim rajonie, paviedamili va ŭpraŭleńni DAI UUS Bresckaha abłvykankama.
DTZ sa śmiarotnym zychodam adbyłosia kala 6 hadzin ranicy na 32-m km aŭtadarohi R7 Kamianiec—Žabinka—Fiedźkavičy. Pavodle papiaredniaj infarmacyi, 28-hadovy žychar Žabinki, kirujučy aŭtamabilem Iveco TurboDaily, znachodziačysia ŭ stomlenym stanie (papiarednie — zasnuŭ za rulom), vyjechaŭ na pravuju pa chodu ruchu abočynu i ŭčyniŭ najezd na ravarysta, jaki ruchaŭsia ŭ spadarožnym kirunku pa krai prajeznaj častki darohi. U vyniku najezdu 25-hadovy žychar vioski Rahozna ad atrymanych cialesnych paškodžańniaŭ pamior na miescy zdareńnia.
Ustanoŭlena, što rovar zzadu i śpieradu byŭ abstalavany lichtarami i śviatłoadbivalnymi elemientami, śviatłoadbivalnyja ŭstaŭki byli na adzieńni viełasipiedysta.
Kiroŭca hruzavoha furhona kala sta razoŭ pryciahvaŭsia da administracyjnaj adkaznaści za parušeńnie PDR, a taksama nieadnarazova pazbaŭlaŭsia prava kiravańnia transpartnym srodkam.
Pa fakcie DTZ pravodzicca pravierka.