Stała viadomaja kančatkovaja prahrama i nazva dudarskaha festu ŭ Hłybokim — Pieršy fest dudarskich rehijonaŭ «Dudarski rej - 2017». Buduć ažno dva šatłandcy, adzin maje ŭ svajoj kalekcyi biełaruskuju dudu i ŭmieje na joj hrać.
Na fest, jaki maje adbycca 6—7 maja, miarkujecca pryjezd dudaroŭ ź Vialikapolščy (Polšča), Maravii (Čechija), Fłandryi, Vałonii (Bielhija), Šatłandyi (Brytanija).
Užo rychtujecca cikavaja suvienirnaja pradukcyja ad Doma ramiostvaŭ, naprykład mahnity z dyvanami, u styli Jazepa Drazdoviča, namalavanyja Śviatłanaj Skavyrkaj.
Inicyjataram praviadzieńnia mižnarodnaha dudarskaha festu ŭ Hłybokim, źjaŭlajecca Vital Voranaŭ, piśmieńnik, pierakładčyk, vykładčyk irłandskaj litaratury va ŭniviersitecie h. Brna (Čechija), žychar Poznani, kolišni vučań Hłybockaj SŠ №2, jaki letnija miesiacy pražyvaje ŭ dziedavaj chacie ŭ vioscy Udzieła pad Hłybokim i zajmajecca adradžeńniem dudarskich tradycyj na Hłyboččynie.
