Rasijskija ŭłady datyčny da ŭtojvańnia nastupstvaŭ chimičnaj ataki ŭ siryjskaj pravincyi Idlib, havorycca ŭ rassakrečanym dakładzie Biełaha doma.
Pa dadzienych amierykanskaj raźviedki i inšych krynic, uradavaja armija Siryi skinuła bomby z zarynam na svaich suajčyńnikaŭ, adznačajecca ŭ dakumiencie.
Bieły dom ličyć, što Rasija i Siryja sprabavali ŭvieści suśvietnuju supolnaść u zman z dapamohaj kampanii pa dezynfarmacyi. Maskva raspaŭsiudžvaje «šmatlikija zajavy, što supiarečać adna adnoj, kab zabłytać suśvietnuju supolnaść», havorycca ŭ dakładzie.
Pry hetym ni ŭ dakładzie, ni ŭ kamientarach amierykanskich čynoŭnikaŭ nie ŭtrymlivajecca adkaz na pytańnie, ci viedała Rasija ab chimičnaj atacy ŭ pravincyi Idlib zahadzia.
Častka dakładu pryśviečanaja abviaržeńniu dadzienych Rasii ab tym, što samaloty ŭ Idlibie bambili składy bojeprypasaŭ, jakija naležać «terarystam». U dakumiencie ŭtrymlivajucca spasyłki na videa i fotazdymki sa spadarožnikaŭ, dzie vidać, što bomby skidajucca na darohu, a nie na budynki.