Premjer-ministr Małdovy Pavieł Filip ździejśnić aficyjny vizit u Biełaruś 6-8 červienia, paviedamili BIEŁTA ŭ pasolstvie Biełarusi ŭ Małdovie.
Pytańni padrychtoŭki hetaha vizitu byli abmierkavanyja ŭ čas sustrečy, jakuju praviali pasoł Biełarusi ŭ Małdovie Siarhiej Čyčuk i kiraŭnik Handlova-pramysłovaj pałaty Małdovy Sierdžyu Chara.
Baki abmierkavali vyniki i pierśpiektyvy raźvićcia handlova-ekanamičnaha supracoŭnictva Biełarusi i Małdovy. Byŭ razhledžany chod vykanańnia damoŭlenaściej, dasiahnutych u čas aficyjnaha vizitu premjer-ministra Biełarusi Andreja Kabiakova ŭ Biełaruś 2-3 kastryčnika 2016 hoda, a taksama pytańni padrychtoŭki vizitu ŭ adkaz premjer-ministra Małdovy ŭ Biełaruś 6-8 červienia 2017-ha.
Akramia taho, byli ŭzhodnieny dalejšyja dziejańni ŭ častcy dziełavoj prahramy majučaha adbycca mierapryjemstva, uklučajučy arhanizacyju kalektyŭnaj vystavačnaj ekspazicyi Małdovy na XXVII Mižnarodnaj sielskahaspadarčaj vystaŭcy «Biełahra-2017».
Bakami była adznačana važnaja rola handlova-pramysłovych pałat Biełarusi i Małdovy ŭ aktyvizacyi i raźvićci mižrehijanalnych ekanamičnych suviaziej. Dasiahnuta damoŭlenaść ab udziele delehacyi dziełavych kołaŭ Małdovy ŭ rabocie mižnarodnaj vystaŭki-kirmašu «Viasna ŭ Homieli» i Homielskim ekanamičnym forumie 17-20 maja 2017 hoda
