Minski Centr navukovych daśledavańniaŭ i prajektavańnia (CNDP) raspracavaŭ hranatamiot «Avadzień-R» — biełaruskuju madernizacyju savieckaha RPH-7 z novym «razumnym» biełaruskim prycełam, piša partał janes.com
Standartny saviecki aptyčny pryceł PHO-7V tut zamienieny na novy pryceł PD-7, jaki maje dadadzieny łazierny dalnamier i balistyčny kampjutar, datčyki tempieratury, atmaśfiernaha cisku i vietru. Da zbroi moža macavacca taksama prybor načnoha bačańnia. Da prycełaŭ majecca sučasnaja sistema elektrazabiaśpiačeńnia.
Takim čynam, jak tolki cel fiksujecca apierataram, pryceł aŭtamatyčna karektuje pałažeńnie prycelnaj admietki, a strałok pavinien tolki nacisnuć na tryhier.
Hranatamiot moža stralać usimi hranatami ad RPH-7, u tym liku najnoŭšymi tandemnymi, fuhasna-askiepkavymi, termabaryčnymi.
Saviecki RPH-7 byŭ pryniaty na ŭzbrajeńnie ŭ 1961 hodzie, a zaraz u śviecie vyrablena bolš za 9 miljonaŭ adzinak hranatamiota i jahonych kopij.
