Pjany rasijanin byŭ źniaty ź ciahnika za deboš padčas pašpartnaha kantrolu na miažy, paviedamlajecca na sajcie Dziaržaŭnaha pahraničnaha kamiteta Biełarusi.
Incydent adbyŭsia 22 sakavika ŭ punkcie propusku «Hudahaj». Pry afarmleńni ciahnika Kalininhrad—Maskva smarhonskija pamiežniki zatrymali 62-hadovaha hramadzianina Rasii. Žychar Kalininhrada padčas pašpartnaha kantrolu staŭ abražać pahraničny narad i admaŭlaŭsia pradjaŭlać pašpart. Pryčynaj takich nieadekvatnych pavodzin akazałasia ałkaholnaje apjanieńnie. Ahlad pakazaŭ najaŭnaść 1,23 pramile ałkaholu ŭ jaho kryvi.
Rasijanin zatrymany dla dalejšaha razboru. Pačaty administracyjny praces pa art 23.5 i art. 23.32 Kaap RB (abraza słužbovaj asoby pry vykanańni im słužbovych paŭnamoctvaŭ i parušeńnie režymu ŭ punktach propusku praź Dziaržaŭnuju miažu Respubliki Biełaruś). Jamu pahražaje štraf u pamiery da 50 bazavych vieličyń.
