Karystalniki sacyjalnaj sietki «UKantakcie» siońnia na niekatory čas zmahli atrymać pravy administrataraŭ sajta i daviedacca ab ich mahčymaściach. Heta adbyłosia z-za techničnych niepaładak, piša tut.by.
Karystalniki pačali skardzicca na niepaładki ŭ pracy sacsietak 20 sakavika kala 23.50. U pryvatnaści, jany paskardzilisia na prablemy z dostupam da asabistych paviedamleńniaŭ i aŭdyjozapisaŭ.
Kala paŭnočy praca sacsietki była adnoŭlenaja, adnak u mieniu na niekalki chvilin źjavilisia instrumienty, dastupnyja administrataram «UKantakcie», u tym liku bah-trekier sa skarhami karystalnikaŭ na niaspraŭnaści.
Karystalniki taksama ŭbačyli, što ŭ administracyi sietki jość dostup da pryvatnych fatahrafij, historyi zapytaŭ i inšaj asabistaj infarmacyi karystalnikaŭ.
Paźniej dyrektar pa raźvićci «UKantakcie» Alaksandr Kruhłoŭ paćvierdziŭ, što ŭ «niekalkich supracoŭnikaŭ» jość dostup da prahladu pryvatnych fatahrafij karystalnikaŭ. Heta nieabchodna dla baraćby z raspaŭsiudžvańniem u sacsietcy dziciačaj parnahrafii, rastłumačyŭ jon.
