Polšča zaprasiła Biełaruś uziać udzieł u mižnarodnym knižnym kirmašy, jaki projdzie ŭ Varšavie 18-21 maja. Aficyjnaje zaprašeńnie ad arhanizataraŭ pieradaŭ siońnia ministru infarmacyi Lilii Ananič nadzvyčajny i paŭnamocny pasoł Polščy ŭ Biełarusi Konrad Paŭlik, pieradaje BIEŁTA.
Varšaŭskaja knižnaja vystava — samaja bujnaja ŭ Polščy. Konrad Paŭlik vykazaŭ upeŭnienaść, što biełaruski stend zojmie na joj važnaje miesca. «Upeŭnieny, što ŭdzieł Biełarusi budzie vielmi paśpiachovym, važnym i znakavym, u tym liku i ŭ suviazi z tym, što sioleta adznačajecca 500-hodździe biełaruskaha knihadrukavańnia», — skazaŭ pasoł.
Pa jaho słovach, Polšča zadavolenaja svaim udziełam u XXIV Minskaj mižnarodnaj knižnaj vystavie-kirmašy ŭ lutym. Hety forum staŭ važnym mierapryjemstvam dla polskich vydaŭcoŭ i aŭtaraŭ, mieŭ dobry rozhałas u krainie. Polšča prezientavała na vystavie bolš za 200 vydańniaŭ, jakija vyklikali vialikuju cikavaść u haściej kirmašu.
Lilija Ananič, u svaju čarhu, pierakananaja, što ŭdzieł Biełarusi ŭ varšaŭskaj knižnaj vystavie stanie dobrym znakam u raźvićci dvuchbakovych adnosin. Baki vykazali zacikaŭlenaść u tym, kab spłanavać nasyčanuju prahramu.
