Aktyvist KCHP-BNF Aleś Čacholski paviedamiŭ, što na kraŭdfandynhavaj platformie Talaka.by pačynajecca zbor hrošaj dla ŭstalavańnia 120 novych kryžoŭ.
Prajekt Narodny memaryjał «Kurapaty» startavaŭ siońnia ranicaj.
Treba sabrać 10 tysiač rubloŭ.
«Kožnaja kapiejčyna budzie ŭličanaja, spravazdaču damo», — skazaŭ Aleś Čacholski.
«Na praciahu apošnich 20-ci hadoŭ, niahledziačy na adsutnaść dziaržaŭnaj padtrymki, u Kurapatach ŭstalavanyja bolš za 1000 kryžoŭ i inšyja memaryjalnyja znaki, praviedzieny sotni tałokaŭ pa ŭparadkavańniu terytoryi pachavańniaŭ na dziesiatkach hiektaraŭ lesu, vydajucca dziesiatki tysiačaŭ infarmacyjnych materjałaŭ. Usio heta zroblena na narodnyja achviaravańni», — havorycca ŭ apisańni prajektu.
«Kab praciahnuć hetuju pracu, nieabchodna sabrać 10 000 rubloŭ. Na hetyja srodki planujem zakupić nieabchodnyja materyjały (metał, farbu), pravieści rezku i zvarku, vyrabić i ŭstalavać 120 metaličnych kryžoŭ. Hetym my praviadziem rekanstrukcyju kryžovaha perymietru Narodnaha Memaryjała. Zaklikajem chutka i jakasna zrabić našu ahulnuju biełaruskuju spravu», — napisali inicyjatary zboru srodkaŭ.
