Uviečary 1 sakavika ratavalniki vyjazdžali na tušeńnie pažaru ŭ studencki internat Akademii mastactvaŭ na vuł. Surhanava. Pažar adbyŭsia ŭ pralni, pryjšłosia evakujavać 200 žycharoŭ budynka, paviedamlaje tut.by sa spasyłkaj na MNS.
Tut i nižej fota: MNS
Vyśvietliłasia, što ŭ pralni na pieršym paviersie zaharelisia paścielnyja prynaležnaści. Da vyśviatleńnia pryčyn i likvidacyi ŭzharańnia vyratavalniki evakujavali 200 čałaviek. Usiaho ŭ internacie pražyvajuć 242 čałavieki.
Ratavalniki chutka likvidavali pažar. U vyniku paškodžanaja majomaść, kieramičnaja plitka na ścianie, zakuranaje pamiaškańnie.
Pryčyna pažaru vyśviatlajecca, razhladajecca viersija — nieaściarožnaje abychodžańnie z ahniom nieviadomaj asobaj.
Namieśnik načalnika MNS Minska Vital Demboŭski adznačyŭ, što z pačatku hoda heta ŭžo nie pieršy vypadak pažaru ŭ internacie.
«Analiz takich pažaraŭ pakazvaje, što pryčyna, jak praviła, kryjecca ŭ biezhaspadarčaści, niadbajnym staŭleńni adkaznych asob i adsutnaści naležnaha kantrolu za vykanańniem patrabavańniaŭ biaśpieki. Časta ŭzharańni adbyvajucca praz trapleńnie niezahašanaj cyharety ŭ nie prybranuju svoječasova kuču śmiećcia, ci zaharajecca niaspraŭnaja elektrapravodka ŭ miescach nienaležnaha składziravańnia i zachoŭvańnia rečaŭ», — raspavioŭ jon.
