Reuters / Scanpix / LETA
28 lutaha Bloomberg apublikavaŭ videazapis z sałona aŭtamabila, jaki pracuje ŭ sistemie taksi Uber Black. Na zadnim siadzieńni znachodziŭsia zasnavalnik i kiraŭnik Uber Trevis Kałanik i dźvie dziaŭčyny. Kali pajezdka padychodziła da kanca, kiroŭca paskardziŭsia Kałaniku na drennyja ŭmovy pracy. U adkaz jon pačuŭ, što niekatoryja ludzi «nie lubiać brać adkaznaść za ŭłasnaje dziarmo» i abvinavačvajuć inšych u niaŭdačach. Paśla publikacyi rolika Kałanik pryznaŭsia, što pavodziŭ siabie nieprystojna, i prynios prabačeńni. «Mieduza» raspaviadaje, z-za čaho pasvarylisia kiroŭca i kiraŭnik Uber.
U niadzielu, 5 lutaha, kiraŭnik Uber Trevis Kałanik vyklikaŭ servis Uber Black paśla zakančeńnia Supierboŭła. Top-mieniedžara supravadžali dźvie dziaŭčyny, ź jakimi jon vioŭ niazmušanuju razmovu. «Ja rablu tak, kab kožny hod u mianie byŭ składanym. Tak ja žyvu. Kali hod lohki, značyć, ja niedastatkova dobra pracuju», — vychvalaŭsia Kałanik na zapisie, jaki vydańniu Bloomberg pieradaŭ kiroŭca taksi, 37-hadovy Faŭzi Kamieł.
Kali mašyna pryjechała na miesca pryznačeńnia, dziaŭčaty vyjšli, a Kamieł pacisnuŭ Kałaniku ruku i źviarnuŭsia da jaho. Stvaralnik Uber chacieŭ padbadzioryć kiroŭcu i skazaŭ, što kampanija skaračaje kolkaść mašyn Uber Black i Kamiełu budzie praściej kankuryravać za zamovy, na što kiroŭca adkazaŭ: «A vy padymajecie standarty absłuhoŭvańnia, ale źnižajecie košty».
Jaho słovy — hałoŭnaja pretenzija ŭsich kiroŭcaŭ, jakija pracujuć z Uber i całkam padparadkavanyja cenavaj palitycy servisu. Dalej razmova išła nastupnym čynam:
— Nam nieabchodna [źnižać košty], u nas jość kankurenty, inakš my b zhaleli.
— Kankurenty? Mužyk, u tvaich rukach cełaja biznes-madel, ty možaš stavić lubyja košty, ale zamiest hetaha daješ usim pa biaspłatnaj pajezdcy.
— Nie-nie, ty nie zrazumieŭ mianie. My pačali ŭ topavym siehmiencie. My nie pajšli na masavy rynak nie tamu, što chacieli hetaha, a tamu, što inakš nas vybili b z rynku.
— Što? Lyft? Ale heta ž nie prablema.
— Heta nie prablema tolki tamu, što ja pieramoh ich. Kali b ja nie zrabiŭ taho, što ja zrabiŭ, nas by sapraŭdy pieramahli.
— Ale ludzi nie vierać tabie bolš. Ja straciŭ 97 tysiač dalaraŭ praź ciabie. Ja bankrut praź ciabie. Tak-tak-tak. Ty źmianiaješ [umovy raboty] kožny dzień. Kožny dzień.
— Pačakaj siekundu, što ja pamianiaŭ u Uber Black?
— Ty pamianiaŭ uvieś biznes, ty źniziŭ košty.
— Na Uber Black?
— Tak.
— Łuchta sabačaja.
<…>
— Usio pačałosia z 20 dalaraŭ. Kolki ciapier kaštuje adna mila, 2,75 dalara?
— Viedaješ što? Niekatoryja ludzi prosta nie lubiać brać adkaznaść za svajo ŭłasnaje dziarmo. Jany vinavaciać inšych u tym, što adbyvajecca ŭ ich žyćci. Pośpiechaŭ!
— Pośpiechaŭ i tabie, ale ja viedaju, što pośpiech tabie nie śviecić.
Paśla pajezdki Faŭzi Kamieł acaniŭ svajho pasažyra ŭ adzin bał. Jakuju acenku jamu pastaviŭ Kałanik, nieviadoma.
U toj ža dzień, kali ahienctva Bloomberg apublikavała videa svarki Kałanika z kiroŭcam, kiraŭnik Uber napisaŭ adkryty list da ŭsich supracoŭnikaŭ kampanii. «Skazać, što mnie soramna, — ničoha nie skazać. Maja praca jak lidara — vieści vas i ŭ pieršuju čarhu dziejničać tak, kab my ŭsie hetym hanarylisia. Ja siabie pavodziŭ zusim nie tak, i hetamu niama nijakaha apraŭdańnia», — havorycca ŭ liście Kałanika. 40-hadovy zasnavalnik Uber taksama pryznaŭsia, što jamu treba «pastaleć» i što jamu patrebna dapamoha ź lidarskimi jakaściami. I prynios prabačeńni Faŭzi Kamiełu i ŭsim kiroŭcam Uber.
