U Minsku supracoŭniki piataha Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj (HUBAZiK) MUS papiaredzili zakaznoje zabojstva, paviedamlaje pres-słužba milicyi.
Try žychary stalicy niekalki miesiacaŭ šukali kilera, jaki zabiŭ by indyvidualnaha pradprymalnika. Zamoŭcami vystupała siamiejnaja para (aboim pa 28 hadoŭ) i ich 58-hadovy svajak. Usie jany taksama zajmajucca pradprymalnictvam. Achviaru jany chacieli zabić, kab zavałodać sumiesnym biznesam i viarnuć staryja daŭhi. Patencyjnamu kileru zamoŭcy byli hatovyja zapłacić 5 tysiač dalaraŭ ZŠA.
Pravaachoŭniki zatrymali ŭsich čalcoŭ złačynnaj hrupy i ŭziali pad vartu. Na ich pačali kryminalnuju spravu za padrychtoŭku da złačynstva, saŭdzieł u złačynstvie i naŭmysnaje pryčynieńnie ciažkaha cialesnaha paškodžańnia.
Da taho ž vyjaviłasia, što zatrymanyja płanavali zabić jašče adnaho pradprymalnika ź Minska. Śledčyja pavodziać dalejšyja śledča-apieratyŭnyja mierapryjemstvy.
