Alaksandr Łukašenka pavinšavaŭ sałdat, siaržantaŭ, praparščykaŭ i aficeraŭ, a taksama vieteranaŭ i ŭsich suhramadzian z Dniom abaroncaŭ Ajčyny i Uzbrojenych Sił Biełarusi. Tekst vinšavańnia siońnia začytaŭ dziaržsakratar Savieta biaśpieki Biełarusi Stanisłaŭ Zaś na ŭračystym schodzie ŭ Pałacy Respubliki.
«Heta śviata, aviejanaje mužnaściu i dobleściu, my zaŭsiody adznačajem z asablivym pačućciom hordaści za našych voinaŭ, jakija va ŭsie časy nadziejna zabiaśpiečvali abaranazdolnaść krainy i ciapier pradaŭžajuć dastojna achoŭvać rubiažy našaj Radzimy», — havorycca ŭ vinšavańni.
Kiraŭnik dziaržavy padkreśliŭ, što Biełaruś nadaje pieršaradnuju ŭvahu abaronie nacyjanalnych intaresaŭ. «U respublicy stvoranaja nadziejnaja sistema biaśpieki, ažyćciaŭlajecca dalejšaje ŭmacavańnie Uzbrojenych Sił, udaskanalvajecca bajavaja padrychtoŭka vajennasłužačych», — źviarnuŭ uvahu Łukašenka.
Asablivyja słovy ŭdziačnaści Łukašenka vykazaŭ vieteranam Vialikaj Ajčynnaj vajny. «Svajoj samaaddanaściu i hieraizmam jany prademanstravali ciapierašniamu pakaleńniu sałdat i aficeraŭ prykład sapraŭdnaha patryjatyzmu i viernaści voinskamu abaviazku», — zajaviŭ biełaruski lidar.
Alaksandr Łukašenka pažadaŭ usim mocnaha zdaroŭja, dabrabytu i novych ździajśnieńniaŭ na karyść rodnaj Biełarusi.