Udzielnika akcyi pa zryvie ŭ Minsku pres-kanfierencyi śpiecyjalnaha pradstaŭnika dziejučaha staršyni ABSIE ŭ trochbakovaj kantaktnaj hrupie Marcina Sajdzika departavali ź Biełarusi. Hetuju infarmacyju BIEŁTA paćvierdzili ŭ MUS.
Jak paviedamlałasia, hrupa asob z pašpartami hramadzian Rasii i žurnalisckimi paśviedčańniami vydańnia «Russkaja płanieta» 15 lutaha, pradstaviŭšysia pradstaŭnikami niezarehistravanaj u RF partyi «Inšaja Rasija», zrabiła sprobu sarvać pres-kanfierencyju Marcina Sajdzika. Adnaho z udzielnikaŭ akcyi zatrymali, i 16 lutaha sud Leninskaha rajona Minska pryznačyŭ jamu pakarańnie ŭ vyhladzie piaci sutak administracyjnaha aryštu.
Pravakatary raskidvali ŭlotki i vykrykvali łozunhi, jakija pieraškadžali znosinam ambasadara z pradstaŭnikami ŚMI, ale nieŭzabavie byli apieratyŭna vydalenyja pradstaŭnikami pravaachoŭnych orhanaŭ ź miesca praviadzieńnia mierapryjemstva. Pres-słužba MZS Biełarusi rascaniła heta dziejańnie jak śviadomuju pravakacyju, skiravanuju na zryŭ pieramoŭnaha pracesu i dyskredytacyju minskaj pieramoŭnaj placoŭki. U źniešniepalityčnym viedamstvie padkreślili, što biełaruski bok budzie i dalej pradprymać usie miery dla zabieśpiačeńnia biaśpieki i bieśpieraškodnaj raboty trochbakovaj kantaktnaj hrupy i nieadkładna spyniać usie sproby pieraškodzić jaje pracy.
