Premjer-ministr Andrej Kabiakoŭ ahučyŭ kompleks rašeńniaŭ dla rostu siaredniaj zarpłaty da $500 da kanca 2017 hoda. Pra heta jon zajaviŭ siońnia na pasiadžeńni Prezidyuma Savieta Ministraŭ, dzie abmiarkoŭvalisia vyniki sacyjalna-ekanamičnaha raźvićcia Biełarusi ŭ studzieni 2017 hoda i miery pa vychadzie na dadatnuju dynamiku rostu ekanomiki ŭ I kvartale.
«Pry vykanańni zadačy pa vychadzie da kanca hoda na Br1 tyc. siaredniaj zarabotnaj płaty budziem zychodzić z taho, što hrošy pavinny być zarobleny. Rost dachodaŭ tolki va ŭviazcy z rostam pradukcyjnaści pracy. Razdačy niezaroblenych hrošaj nie budzie», — padkreśliŭ Andrej Kabiakoŭ.
Kiraŭnik urada akcentavaŭ uvahu, što vyrašeńnie hetaj zadačy - praz stvareńnie novych rabočych miesc, novych pradpryjemstvaŭ, raźvićcio pradprymalnictva i inicyjatyvy, naroščvańnie ekspartu i skaračeńnie zatrat. «U biudžetnaj śfiery rost zarpłaty — za košt mierapryjemstvaŭ pa aptymizacyi i rostu pazabiudžetnych dachodaŭ», — adznačyŭ premjer-ministr.
«Što datyčycca vynikaŭ I kvartała, my nie majem prava nie zabiaśpiečyć ustanoŭlenaha prahnozam zadańnia. Vynik pavinien być minimum na ŭzroŭni 2016 hoda. Prašu na heta nastroić usie słužby. Za vynik patrabavańnie budzie strohim. Usie my — ludzi adkaznyja, vysokaprafiesijanalnyja i razumiejem, što kali nie vyjdziem na toj minimalny prahnoz, jaki sami ž i ŭstanavili, to adkaža kožny piersanalna. Dynamika ŭ lutym i sakaviku pavinna być prykmietnaj», — reziumavaŭ Andrej Kabiakoŭ.
